بعد الاتصال بيه شخصيا.....مجداد حسن شحاتة : مقدرش أعلن لانهم منبهين عليا لكن انا بطمنك خلاص عمال وطنى

هذا مادار بينى وبين مجداد تليفونيا

الاستاذ مجداد : مقدرش أعلن عشان هما منبهين علينا لكن انا بطمنك خلاص...هو الحزب جابنى بس طلب منى مقولش علشان فيه شوية مشاكل....وهى ان مرشح الدائرة من برطس احمد عبد الدايم عامل مشاكل جامدة قدم ضدى طعون وهى ان بلدنا كلها مسجله خطر وفيهم سوابق وكده....على العموم النتيجة هتعلن يوم 3 /11 باذن الله....ان شاء الله عمال وطنى .......بس على فكره خلى بالك ممكن عبد الدايم يكسب الطعون.......عاوز أعمل شئ للبلد عشان بلدنا اكتر بلد مظلومه فى كل شئ ولو فيه حد رشح نفسه من البلد افضل منى انا مستعد انسحب له

ده كان كلام مجداد معايا

وبما ان الاستاذ محمد حسونة اعلن ده من قبل كدا انه هينسحب لو مجداد دخل يبقى كدا ان شاء الله مجداد هو مرشح الكوم الاحمر ....للعلم ان المحافظ كان فى اوسيم من كام يوم بالظبط واعلن فى جلسة سرية فى حضور مجداد ومحمود عامر وشخصيات اخرى نتيجة انتخابات الحزب بينهم....ولو حد راح اوسيم هيلاقى 3 يفط كبيرة لمجداد حسن شحاتة هناك

........ مصدر موثوق منه.......
لدينا دائما ماهو جديد عن الانتخابات

**** من محب لبلده****
لدينا دائما ماهو جديد عن الانتخابات

ياجماعة ياريت لو حد عنده استفسار أو اى حاجة عن الموضوع ده او اى سؤال نقوله للاستاذ مجداد يكتبه فى التعليق.......مستنى أسئلتكم أو استفساراتكم.........

أرجو التصويت هل من الافضل ان نتركهم يختاروا الافضل منهم.....ام نختار نحن الافضل منهم؟؟؟؟؟؟؟؟؟

****محب لبلدى****

eng osama

ده سبق يشرف بيه المنتدى،، ولكن كنا عاوزين حوار مطول وتفصيلي ان شاء الله بعد ما يعلنو عن النتيجه،، وبكده فعلا الحاج محمد حسونه هينسحب في حين لو الحزب ما اختارش الاستاذ مجداد،،
وطبعا الأفضل اننا نختار بنفسنا،، وطالما اللي هيختاروه ابن البلد فمش هتفرق ويبقى ابن البلد أولى،،،
شكرا علي السبق الرائع ومنتظرين الجديد منك ياباشمهندس،،،

اهالي قريه الكوم الاحمر لقد اقسمت انه في حاله وجود اخي الاستاذ مجداد شحاته مرشح عن الحزب الوطني اني وهو رجل واحد واليوم اوفي بوعدي امام جميع العائلات اني وعائلتي وعلي مسئوليتي الشخصيه سوف نقف وراء بن القريه فهو افضل من اي مرشح وليس بايني وباينه الا الخير وندعوة من الله ان يوفقه وان يخرج من هذة القريه رجلا يحمل علي عاتقه هموم ومشاكل هذة القريه التي حرمت من جميع انواع الخدمات واشهد الله امامكم جميعا اني معه وخلفه حتي يحصل علي هذا المقعد اوطلب منه ان يكون مقرة الانتخابي هو مقري حتي لا تحدث فتنه فهناك من يستفيد من تلك الفتنة وان نستغل هذة المعركه لصالحنا وصالح قريتنا واناشد جميع عائلات القريه شبابنا ورجالا ونساءان يخرجو من بيوتهن وانا ينتخبوة ويقفوة الي جوارة مرشحهم واقول هاهي الفرصه قد جاءت بين ايديكم فلا تخذلوة بن القريه ونحن نثق فيكم كل الثقه والله المستعن


بن القريه محمد حسونه ندا

طب الحمد لله اننا كلنا كده متفقين على واحد بس فى حالة دخول الاستاذ مجداد سينسحب الحاج محمد حسونة وفى حاله عدم دخوله احنا بردو متفقين على ابن البلد ايا كان وكان نفسى قبل الانتخابات نعمل انتخابات داخلية فى البلد نختار فيها مين اللى يرشح نفسة عشان البلد كلها تبقى متفقة عليه ويكون اختيار الاغلبية من اهالى البلد بس خللاص بقى خليها المرة اللى جاية وهنكون احسن ان شاء الله

ان شاء الله تعالى سوف يختار الحزب كل من
الاستاذ مجداد حسن شحاته & محمود الصعيدى
الانتخابات كانت فى بداية هذا الشهر فى مركز الشباب وانا كنت حاضر وكان فى اقبال من اهل القريه على الانتخابات والله الموفق

بسم الله الرحمن الرحيم . وبه نستعين
نحن عائله السجيني صغيرها قبل كبيرها نبايع ونبارك ترشيح مجداد لمجلس الشعب ونتمني له النجاح والتوفيق ان شاء الله. وما النصر الا من عند الله.
عنهم مهندس :رامي السجيني