الجيش العربي

من فترة سمعت هذه القصيدة للشاعر الساخر محمد بهجت
فى برنامج العاشرة مساء


وقبل أن نبدأ

أؤكد احترامى لكل الدول العربية شعوبا فقط
ولكن الواقع المرير ألزمني أن أنقل لكم هذه القصيدة

و هى بعنوان :

واحد اتنين الجيش العربي فين ؟!

واحد اتنين الجيش العربى فين ؟
الجيش العربى فين ؟
الجيش العربى فين ؟

الجيش العربى فى مصر
ساكن فى مدينة نصر
يصحى من النوم العصر
وبيفطر شاى ومنين
واحد اتنين الجيش العربى فين ؟

الجيش العربى فى سوريا
حالق على الموضه كبوريا
وعلى طريقة فكتوريا
خلى الترماى بدورين
واحد اتنين الجيش العربى فين ؟

الجيش العربى الليبي
زى الفن التكعيبى
كله بتنجان يا حبيبى
والظاهر واخد عين
واحد اتنين الجيش العربى فين ؟

الجيش العربى خليجى
لا فيه حيل لا يروح ولا يجى
هدا صمت إستراتيجى
إيش فيك يا غراب البين
واحد اتنين الجيش العربى فين ؟


الجيش العربى فى تونس
أخضر مثل البقدونس
وعزيزة بتعشق يونس
تبقا الحربات بعدين
واحد اتنين الجيش العربى فين ؟


الجيش العربى سودانى
سامع هطوتة بودانى
هو أنا ههاجم فردانى
يلا ارجع يا أبو حسين
بلاش كلام فاضى يا شيخ
واحد اتنين الجيش العربى فين ؟

الجيش العربى فين ؟
الجيش العربى اتهان
يوم ما انضربوا الأفغان
وسكت فى البوسنة زمان
وقبل ياكل بالدين
واحد اتنين الجيش العربى فين ؟