رنة تليفون

بصوا بقي يا اعضاء المنتدي الجمال جدا
دية حتة قصيدة عن الانتخابات انما ايه هتعجبكم
رنة تليفون
يانجمة كانت في السما وقعت علي جدور رقبتها
آمنت بالحزب الوطني والحزب الواطي خرب بيتها
يامأمن للحزب وخانك والناس سمعت كل كلامك
وقفوا جنبك يمكن تنجح حاربوا كل الدنيا علشانك
حاربوا الحق وانصار الحق قالو يمكن يعلا مكانك
قفلوا عنيهم سدوا ودانهم قالوا لك احنا خدامك
اخرتها اهي ضاعت احلامهم ووقعت يامخدوع اقدامهم
خدعوك اللي قالولك انك جوة المجلس هتنوب عنهم
دا الحزب الوطني زورها وسودها وجاب كل قرارها
يامأمن للحزب الواطي هاتعيش بالذل كده مطاطي
الحزب الواطي اهوخانك هانك وضيع احلامك
لكن احنا..........
لكن احنا
كان النصر حليفنا وخرجنا وصنا كرامتنا
لما عرفنا بالتدبير وان اخرتها التزوير
وادوها لشوقي وتليمة واعتبروها مهمة عظيمة
ياسارق من الناس احلامهم ياغافل عن كل الام الناس
الناس كانوا عايزين الواعي عايزين الحق ينوب عنهم
ماخلاص ضاعت بالتزوير والظلم وسوء التدبير
نسيوا ان الرب شايفهم ومحاسبهم علي عمايلهم
اناكده خلصت الحكاية
لكل ظالم نهاية يلا يامصري قولها معايا
لكل ظالم نهاية
الامضاء::::::&رنة تليفون&
وده ملف وورد للي حابب ينزلها
(http://www.mediafire.com/?9qkjqh6zhgq924h

بجد جميله جدا واللى على راسه بطحه يحسس عليها وأتمنى اللى مكتوباله يفهمهاويعرف اد ايه هوكان شبشب فى رجل الحزب الوطنى00000أقصد الحزب الواطى

القصيدة دي شكلها هتعمل تشتت عنصري ف المنتدي.. شكرا ع كل حال

انا فهمت القصيدة وياريت اكون فهمتها صح بس عاوز اعرف
اكيد هو كان عارف انه مش مرغوب فيه وانهم مدخلينه كده وخلاص ولا كانوا بيخدعوا هو كمان على العموم اهى ضاعت كل احلامنا وامانينا ومحدش بيطل علينا ولا شوقى ولا تليمه

  عايزة اعقب علي العضو اللى بيقول انها هتعمل تشتت عنصرى عايزة اقول لحضرتك انالتشتت موجود أصلا للاسف فى البلد من ساعة الانتخابات لما يبقى الاطفال اللى هما جيل المستقبل يستخدموا فى حاجة فيها تزوير امال لما يكبروا هيعملوا ايه ومستغربين اوى الظلم والفساد اللى موجود فى دولتنا لعظيمه بيجى من اين وعلى العموم ما كان لله دام واتصل وما كان لغير الله انقطع وانفصل وبصراحه بقى كل واحد عارف كويس اوى هو كان عايز يدحل المجلس ليه عشان ربنا ولا عشان يفسد ويظلم 0000واخيرا حسبنا الله ونعم الوكيل 

بصراحه انا مش شايف اي مجال للشماته في شخص الكبير قبل الصغير يعترف بنزهته واحترامه ...
اما موضوع احنا وهما في ده للاسف سبب خسرتنا لائي شئ نريد ان نحصل عليه !!!!
ولكاتب القصيده شكرا علي المجهود المبزول في القصيده
التي كتبت فقت للشماته

بعد اذن الاستاذ اللى بيقول شماته بصراحه انا مش معاك لان فكرة القصيدة مش بتتكلم حدمعين بس كمان بتتكلم عن حد سلم نفسه وأحلام الناس لحزب عمر معمل حاجه فى حياته غير خرب بيوت الناس وعلى فكرة كلناوقفنا مع الشخص ده فى الدورة اللى فاتت بس لانه كان تبع البلد ومصلحتها بس للا سف المرة دى كان تبع مصلحة نفسه 0000000واخيرا والله دى مش شماته بس طول ماالشخص ده بعيد عن ربنا عمررجله معتعتب مجلس الشعب ولوحتى بعد عشر سنين

القصيدة جت على جرح الناس وعندى حاجه عايزة اقولها (ان ابعدونا عن مجلس الشعب فقد قربونا من الشعب وان حصلوا على الحصانه فقد بلغنا الامانه وان كسبوالمقعدبلاختلاس فمقعدنا عندالله وفى قلوب الناس

تتعوض إن شاء الله فى الدولة الجديده بقيادة ابن العميد وكل عام وانتم نايمين

لا حول ولا قوة الا بالله العلى العظيم